U.P. Diliman - parish of the holy sacrifice | the glass garden | hector & ivy wedding

Hector, akalain mo?!

Kasi ako, di ko inakala. Di ko inasahan. At aaminin ko, di ko din pinagdasal. Kasi ayoko naman makipag bargain sa Diyos. Ayoko din mag dikta sa Kanya kung anong klaseng tao ang gusto ko. That would be typical Ivy. Kaya kalma lang ako. Sa piling ng masayang pamilya, mabubuting kaibigan, magandang trabaho, mga gawain para sa bayang minamahal at pamantasang hirang, natamo ko ang magandang buhay na alam kong hindi nararapat para sa akin. Kaya naman lubos ang pagpapasalamat sa Diyos dahil wala na akong mahihiling pa. Wala na akong dapat hilingin pa. Ako ay kumpleto na. Yun ang akala ko.

Dahil nung dumating ka nang hindi ko inaasahan, nawari ko na meron pa palang nakalaan sa akin. Mahilig talagang mang sorpresa ang Panginoon, mga bagay na di kayang abutin ng utak ko. Pero hindi ko na pipilitin intindihin at buong puso kong tatanggapin ang kaloob ng Diyos. Yun ang trip niya eh sino ba naman ako para tanungin. Kaya maraming maraming salamat, aking Panginoon, sa buhay na maligaya, sa aking mga magulang at pamilya, sa aking mga kaibigan at katrabaho. At ngayon sa bago kong ipinagdadasal, maraming salamat po Panginoon kay Hector. Kaya

Sa lahat ng pinagdaanan, Sa lahat ng araw ng pagtatanong at pagdududa, Sa mga panahong akala ko wala akong katapat at makakatapat. Dumating ka, Hector, at ako’y minahal nang buong buo, walang pag iimbot at buong katapatan. Sisikapin kong ibalik itong lahat at kung mahihigitan pa ay gagawin ko. Ganun ko maipapakita ang pagmamahal ko sa yo at ang pagpapasalamat ko sa Panginoon.

"Mahal na mahal kita. At salamat sa iPhone 11, mas lalo kitang minahal." = ) 

​#whattheHecIvy

---

Photographers: Joel H. Garcia & Ma-anne Roque-Garcia.  
A husband & wife photography team who specialize in creative wedding, event & portraiture photography.